Tơ̆ hop akŏm ‘măng mă 12 Anih pơgơ̆r jang, Thủ tướng Phạm Minh Chính pơjao 57 tơdrong jang ăn dôm anih tơm, anih jang kơpal, tơring tơrang, lơ̆m noh đei 11 tơdrong jang đei khei ‘năr hơgăt. Atŭm hăm ‘nŏh, Thủ tướng teh đak, dôm Phó Thủ tướng hlôi đei 12 hlak hla ar chih nơ̆r pơtho bơ̆ jang dôm tơdrong jang đei ƀơm truh.

Thủ tướng ăn tơbăt, đei 1,2 tơdrong jang oei tơlĕch jang tam mă keh, athei hơnơ̆ng adrin, khŏm jang kĕh lăp hăm tơdrong hơgăt, vă hơiă kơ Hop akŏm Đảng jơ̆p tơring, năm truh Hop akŏm Đảng lơ̆m teh đak ‘măng mă XIV, tơbăt 80 sơnăm Năr pơjing teh đak, 50 sơnăm Năr tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng. Thủ tướng teh đak athei dôm bơngai jang lơ̆m Anih pơgơ̆r, dôm bơngai tang măt truh hop akŏm chă hơlen năng mă hơdăh dôm tơdrong jang đei pơjao păng pơtho tơƀôh, sek tơlang pơ ‘lơ̆ng dôm tơdrong pơmat tat, tơhlăk tăk, tưk tơiung hrĕnh dôm tơdỏng jang tơ̆ hơnăp kơnh.