Pơma tơ̆ jơ hop akŏm, Thủ tướng tơbăt, tơ̆ hơnăp kơnh tơdrong oei lơ mơmat tat, long nol, oei lơ kơkret găh hơtŏk kơjă, yua thoi noh athei băt hơdăh đei ƀôh tơdrong lơ̆m teh đak păng apŭng plĕnh teh vă chă đei dôm tơdrong hiôk hơtŏk tơiung tơmam ‘lơ̆ng pran, tơdrong hiôk ‘lơ̆ng kơ teh đak vă tơlĕch tơdrong jang tơgŭm tơtom, đei yua. Athei jang răh hlôh vao răh pơih să dar deh.

Athei jang hơdai trong jang tơgŭm jên hu, mơdro sa, tơmơ̆t jên jang vă pơtrŭt jang tŏk, sơđơ̆ng mŭk drăm tih, vei lăng hơtŏk kơjă lơ. Kŭm hăm ‘noh Thủ tướng athei, Anih mong jên athei năm hơdrol lơ̆m tơplih kơsô̆ vă tơ jur kon jên ăn kon pơlei, anih mơdro sa. Thủ tướng lui ngeh akhan anih mong jên hlôi jang ‘lơ̆ng bơih ‘noh jang ‘lơ̆ng hloh dơ̆ng, hơtŏk pơtrŭt dôm tơdrong kiơ hlôi jang đei, yak hloh mơmat tat long nol vă jang ‘lơ̆ng hloh tơ̆ hơnăp kơnh.