Tơdrong iŏk jang kiơ̆ Tơchơ̆t 06 hlôi hơ-‘nhăk tơdrong jơnei hơdah lơ̆m tơdrong jang vei lăng, pơgơ̆r jang kơ dôm jăl jang, rim tơring păng ‘măn hơtŏk mŭk drăm – tơpôl, pơyua ăn kon pơlei, anih jang mŭk drăm.

Tơdrong jang 06 hlôi yuk trong hơlâu, chơng ‘nhăk lơ̆m hơtŏk tơplih kơsô̆ kơ teh đak, tơplih ‘nao trong vei lăng kơ teh đak hăm kih thuơ̆t sô̆, tơgop hơtŏk pran gah Jơnŭm pơgơ̆r sô̆, mŭk drăm sô̆, tơpôl sô̆, kon pơlei sô̆. Thủ tướng pơkăl hop akŏm sơkơ̆t hơdah dôm tơdrong jang đei jơnei lơ̆m sơnong jang; ră hơdah dôm tơdrong hlôi jang đei, dôm tơdrong oei tơjruh. Atŭm hăm noh tơlĕch trong jang vă hơtŏk trong jang kơsô̆, pơjing anih kăl gah kơsô̆, hơtŏk bơngai jang, vei sơđơ̆ng tơpôl mạng, sơđơ̆ng tơdrong kơtơ̆ng ang.