Pơma ah hop akŏm, Thủ tướng Phạm Minh Chính ră hơdah: Lơ̆m khei năr mŭk drăm Việt Nam tam mă pran, pơih 'măng jang hơdai, tŏk bŏk oei tơplih păng oei pŭ tơnap đơ̆ng tơdrong tơplih gah 'nguaih, tơdrong sơkơ̆t pơm jang mă tơnăp vă gơh chă tơlĕch trong pơm jang trŏ ƀlep. Kiơ̆ Thủ tướng, roi tơnap tap noh roi kăl kơchăng, tơplih gơh hơgei vă hơtŏk tơ-iung.

Thủ tướng pơgơ̆r rim anih jang tơm, anih jang kơ teh đak vei lăng athei vang jang pran hloh lơ̆m tơdrong tơplih kơmăi kơsô̆, hơtŏk anih jang kơsô̆ păng pơjing tơmam drăm kiơ̆ kơmăi kơsô̆ kơdih. Atŭm hăm noh, athei vei sơđơ̆ng yư lĭu vei sơđơ̆ng tơpôl teh đak. Gah bơngai jang, athei pơjing “khul bơngai jang kơsô̆”, pơlan să tơdrong jang “Hŏk hơlen kiơ̆ kơmăi kơsô̆” vă hơtŏk pơjing “kon pơlei pơm jang kiơ̆ kơmăi kơsô̆”.