Đơ̆ng rŏng mơ̆ng dôm nơ̆r pơma tơgop, pơtôch hop akŏm, Thủ tướng Phạm Minh Chính chih iŏk, pôk pơ ư dôm anih tơm, anih jang, tơring, khŭl lĭnh kơpal hlôi pơgơ̆r bơ̆jang kiơ̆ ‘lơ̆ng hơnăp jang lơ̆m năr Tết.

Mă kăl ‘noh Thủ tướng chih iŏk, bơnê, lăng ‘lơ̆ng dôm khŭl jang iŏk jang lơ̆m rim tơdrong jang, vei sơđơ̆ng rơngei hiôk hian, pơm tơm hơgăt teh, tơring sơlam teh đak; vei sơđơ̆ng chĭnh trĭ, sơđơ̆ng tơpôl, vei lăng ‘lơ̆ng jơhngơ̆m pran, hơkâu jăn kon pơlei lơ̆m năr chơt hơiă pơyan puih mak sơng Tết; dôm khŭl jang pơm rơgoh cham char vei sơđơ̆ng ‘lơ̆ng ăn teh đak bơ̆n hơdăh, rơgoh, ‘lơ̆ng, sơđơ̆ng; pơvih pơvăn tơm, đei yua tơdrong tơchơ̆t đơ̆ng Ban Bí thư, Khŭl kơdră teh đak pơgơ̆r ăn kon pơlei sơng Tết.