Pơma tơ̆ hop akŏm, Thủ tướng Phạm Minh Chính ăn tơbăt, đơ̆ng blŭng jăl jang truh dang ei, bơ̆n pơgơ̆r đei 25 ‘măng hop akŏm găh chih pơjing luơ̆t; tơgop nơ̆r, hơlen năng, drơ̆ng nơ̆r ăn vă jê̆ 100 nơ̆r athei chih pơjing luơ̆t păng dôm tơdrong đei ƀơm truh; jĭ dôm tơdrong gĭt kăl vă hơmet pơ ‘lơ̆ng khôi luơ̆t teh đak, rong oei tơhlăk, tơiung jơhngâm pran ăn tơdrong jang tŏk nhen: luơ̆t teh, luơ̆t dôm anih asong tŏk iŏk jên, Luơ̆t tĕch mơdro teh, hnam oei.

Thủ tướng athei dôm bơngai jang lơ̆m Khul kơdră teh đak akŏm đon rơgei, hơnơ̆ng chep vei jơhngâm đon tơplih ‘nao; chih roi tơbăt, iung pơma tơgop nơ̆r kơđeh, rơđăh rơđong, trŏ tơdrong; akŏm jơhngâm pơma nuh găh dôm tơdrong kăl, oei đei lơ nơ̆r pha ra băl, apinh nơ̆r Khul kơdră teh đak; pơm ‘lơ̆ng trŏ tơdrong hơgăt đei yoa đơ̆ng Hop akŏm.