Pơma ƀât blŭng hop akŏm, Thủ tướng Phạm Minh Chính pơma hơdăh, tơdrong pơjei, pôk hơpăh hlôi pơlung đei jơhngâm đon hưch hanh, tưk hơtŏk đon jang tơnăp, jơhngâm sơđơ̆ng păng hơmet pơ ‘lơ̆ng dôm tơdrong pơmat tat, ưh tam mă pran ‘lơ̆ng vă tĕh đak jang tŏk. 

Thủ tướng athei dôm bơngai jang lơ̆m Khul akŏm jơhngâm hơlen năng mă trŏ tơdrong pơjei, pôk hơpăh, roi tơƀôh dôm tơdrong jang đei, dôm tơdrong tam mă ‘lơ̆ng oei đei păng tơblang hơdăh yoa kiơ, chih iŏk dôm tơdrong kăl; chih hơdăh dôm tơdrong vă jang lơ̆m dôm khei oei đei dơ̆ng kơ sơnăm 2023 păng tơlĕch đei dôm trong jang ‘lơ̆ng gơ̆h jang kiơ̆ vă tơplĭh ‘nao hlŏh dơ̆ng, hơtŏk tơdrong ‘lơ̆ng păng đei yoa đơ̆ng tơdrong pơjei, pôk hơpăh.