Tơ̆ hop akŏm, dôm bơngai tang măt pơma nuh găh lơ tơdrong ƀơm truh đon tơchĕng, đon pơhnŏng jang, trong vă jang tŏk păng trong chĕng pơprŏ hơmet Tơring ‘măng mă âu. Pơma pơtôch hop akŏm, Thủ tướng Phạm Minh Chính pơma hơdăh găh đon tơchĕng, trong chĕp kơ̆l pơgơ̆r, athei hlôh vao kơjăp, ‘moi kiơ̆ păng bơ̆ jang ‘lơ̆ng Tơdrong tơchơ̆t đơ̆ng Hop akŏm mă XIII kơ Đảng păng Tơdrong tơchơ̆t đơ̆ng Anih tơm Chinh trĭ; Trong jang 5 sơnăm, Trong jang 10 sơnăm atŏk tơiung mŭk drăm, tơpôl; ‘moi kiơ̆ tơdrong Tơchơ̆t đơ̆ng Hop akŏm Đảng ƀô̆ jơ̆p tơring.

Thủ tướng pơma hơdăh, athei pơm pơ ‘lơ̆ng hlŏh dơ̆ng anih dơ̆ng, hơnăp jang, tơdrong gĭt kăl đơ̆ng Tơring hăm teh đak, đei hloi dôm tơdrong jang gĭt kăl nhen chinh trĭ, mŭk drăm, vei sơđơ̆ng teh đak, đơ̆ng noh chă đei tơdrong ‘lơ̆ng pha ra ƀiơ̆, tơdrong ‘lơ̆ng hlŏh, pran hlŏh vă pơjei băl. Thủ tướng pơma truh hơnăp jang, anih dơ̆ng, tơdrong ‘lơ̆ng đơ̆ng Tơring Đông Nam Bộ, đei tôm tơdrong kăl vă jang tŏk jing tơring kơdrâm tơm, năm hơdrol, trong jang ‘lơ̆ng găh atŏk tơiung mŭk drăm teh đak.