Thủ tướng Phạm Minh Chính pơgơ̆r Hop akŏm ‘măng mă 3 Jơnŭm jang hadoi tơring Tơmăn đak krong Hồng
Thứ sáu, 08:44, 10/05/2024
Lan chih tơblơ̆
Lan chih tơblơ̆
VOV4.Bahnar - Pơgê năr 9/5, tơ̆ Anih jang Jơnŭm pơgơ̆r teh đak, Thủ tướng teh đak bơ̆n Phạm Minh Chính, Kơdră Jơnŭm pơgơ̆r asong jang tơring Tơmăn đak krong Hồng pơgơ̆r Hop akŏm mă 3 kơ Jơnŭm jang vă tơbang Pơkăp tơring tơmăn đak krong Hồng jăl sơnăm 2021-2030, sơkơ̆t truh sơnăm 2050; sơkơ̆t 1 sơnăm pơm kiơ̆ Tơchơ̆t đơ̆ng Anih tơm Chĭnh trĭ păng Tơchơ̆t đơ̆ng Jơnŭm pơgơ̆r teh đak; hơlen trong pơkăp jang gĭt kăl hơtŏk Tơring; pơkăp asong jang Tơring păng sơkơ̆t tơdrong pơtơm vă jang dơnơm kơ Tơring tơmăn đak krong Hồng.
Đơ̆ng rŏng tơmơ̆ng dôm nơ̆r pơtruh, sơkơ̆t hop akŏm, Thủ tướng Phạm Minh Chính hmach bơnê kơ tơdrong hơdrin kơ tơring, atŭm hăm noh bơnê kơ tơdrong tơgop đơ̆ng tơring lơ̆m jang hơtŏk mŭk drăm tơpôl kơ teh đak.
Atŭm hăm noh Thủ tướng adoi tơbang hơdah dôm tơdrong oei tơjruh, tơnap tap, lơ̆m noh ră hơdah, mŭk drăm tơpôl hơtŏk tam mă tơgăl hăm mŭk drăm, anih dơ̆ng, sơnong kăp gĭt kơ Tơring; dôm tơring hơtŏk ưh đei hơtŏ, gơnơm lơ̆m lơ jên jang păng bơngai. Thủ tướng pơkăl, pơkăp jang păng hơtŏk mŭk drăm tơpôl tơring Tơmăn đak krong Hồng athei đei tơdrong tơguăt, hơtŏk tôm tơdrong kơjăp sơđơ̆ng, kiơ̆ rok tơdrong juăt jue.
Viết bình luận