Thủ tướng Phạm Minh Chính tơchĕng ‘lơ̆ng, chih iŏk dôm nơ̆r pơma tôch hơiă, tơpăt ‘lơ̆ng, gơ̆h hơgei đơ̆ng dôm bơngai jang lơ̆m Khul kơdră chĕp kơ̆l đảng; athei Anih tơm jang Nội vụ mơ̆ng, chih akŏm vă hơnơ̆ng hơmet pơkĕh tơdrong jang vă apinh nơ̆r tơgop đơ̆ng Anih tơm Chinh trĭ. Thủ tướng pơma hơdăh, tơdrong hơmet ming anih jang hanh chĭnh, tơklep hăm tơdrong hơmet ming khul bơngai jang kiơ̆ trong tŏ sĕt bơngai, jang rơgei, đei yoa ‘lơ̆ng đei Đảng, Teh đak akŏm jơhngâm bơ̆ jang păng 1 jơhngâm tơgŭm.

Tơdrong hơmet ming anih jang hanh chĭnh vă pơjing trong jang tŏk; tưk tơiung tơdrong ‘lơ̆ng đơ̆ng dôm tơring lăp hăm tơdrong vă jang tŏk tơ̆ yăn âu; hơtŏk đon kơchăng, adrin jang kơdih đơ̆ng rim khul kơdră pơgơ̆r tơring; mă loi ‘nŏh vă khul kơdră pơgơ̆r tơring roi tơjê̆ ƀiơ̆ hăm kon pơlei, sek tơlang dôm tơdrong ƀơm truh kon pơlei hrĕnh ƀiơ̆, hiôk hian ƀiơ̆; hơnhăk ba tơdrong hiôk chơt, phĭ tơtŏ dơnŏ ‘lơ̆ng ăn kon pơlei.