Đơ̆ng rŏng mơ̆ng dôm nơ̆r iung pơma, pơma pơtôch hop akŏm, Thủ tướng Phạm Minh Chính pơma hơdăh, tơdrong jơnei đơ̆ng tang găn jĭ COVID-19 ‘nŏh jĭ tơdrong jơnei đơ̆ng kon pơlei, hăm tơdrong chĕp kơ̆l pơgơ̆r tôch tơtom đơ̆ng Đảng Cộng sản Việt Nam, Khul kơdră pơgơ̆r Trung ương, Anih tơm Chinh trĭ, kơtă ‘nŏh jĭ Tổng Bí thư Nguyễn Phú Trọng.

Găh trong vă jang, tơdrong bơ̆ jang tơ̆ hơnăp kơnh, Thủ tướng athei, hơnơ̆ng hơmet pơ ‘lơ̆ng trong jang, tơdrong pơcrơ̆r, tơdrong tơgŭm; sek tơlang dôm tơdrong pơmat tat, tơ hlăk tăk oei đei lơ̆m tơdrong jang tang găn jĭ, akŏm jơhngâm hơmet ming dôm tơdrong tam mă lăp, oei tơhlăk lơ̆m luơ̆t dang ei păng pơjing trong jang kiơ̆ luơ̆t hrơ̆ch ‘lơ̆ng, tôm tĕch, pơm lăp hăm tơdrong ‘mĕh vă tang găn jĭ, mă loi jĭ găh tơdrong răt pơgang, vắc xin, kơmăy kơmŏk, tơmam pơgang lơ̆m rim tơdrong, jô̆ hloi ƀât đei tơdrong krê hơmơt.