Thủ tướng pơma hơdăh, hop akŏm âu vă hơmet pơ ‘lơ̆ng mơmat tat găh jên ăn tơdrong jang mŭk drăm, yua thoi noh bơ̆n kăl kơ răp mơ̆ng nơ̆r tơgop đơ̆ng dôm tơ ‘ngla ƀơm truh 1 trong pơ yom; athei dôm bơngai tang măt iung pơma tơpăt, lăng tơpăt lơ̆m tơdrong tơpă, tơroi dôm trong jang ‘lơ̆ng, tơtom, đei yua, iŏk tơdrong đei yua ăn teh đak, hơdrĕch hơdrŭng, rim anih mong jên, anih mơdro sa tŏk kơpal hloh, hơdrol hloh.

Thủ tướng tơroi rơđăh, tơdrong anih mong jên đei ƀơm truh anih mơdro sa, anih mơdro sa păng anih mong jên đei ƀơm truh tơdrong mŭk drăm teh đak. Tơdrong mŭk drăm đei hơtŏk tơiung ‘noh anih mong jên păng anih mơdro sa mă hơtŏk tơiung păng hơlơ̆k dơ̆ng, anih mong jên păng anih mơdro sa đei hơtŏk tơiung ‘noh teh đak mă hơtŏk tơiung. Thủ tướng pơma hơdăh, kăl kơ tơchă đei nơ̆r tơblang ăn kơ tơdrong asong tŏk iŏk jên yua kơ tŏk bŏk ‘meh tŏk iŏk jên mơmat, đei jên mă tam mă gơh yua; athei pơma dơnuh kiơ̆ jơhngơ̆m tơpăt, pơyom, răp mơ̆ng, chih iŏk.