Đơ̆ng rŏng kơ lêh sơng, ƀar Thủ tướng hlôi akŏm pơma đam gah jang hadoi 2 pah păng bơ̆ng pang lêh kĭ dôm hla bar pơkăp jang hadoi. Ƀar Thủ tướng ră hơdah tơdrong kăp gĭt kơ pơtoi chĕp vei juăt jue tơguăt tơguăl, vang glơng tơgŭm dih băl lơ̆m tơdrong iung tơjră pơjei iŏk rơngei hiôk hian ăn kon pơlei, tơhuăng chăl pơlôch rŭng kon bơngai Pol Pot adrol ki adoi nhen lơ̆m tơ-iung pơjing păng hơtŏk teh đak hrei âu.

Kiơ̆ tơdrong sơkơ̆t năm tơmang Việt Nam, Thủ tướng Campuchia gô akŏm pơma đam hăm Kơdră Kơpal hloh kơ Đảng, Teh đak Việt Nam vă hơlen sơkơ̆t tơdrong jang hadoi păng pơma đam vă hơtŏk jang hadoi Việt Nam - Campuchia lơ̆m khei năr truh kơjăp đei jơnei hloh.