Kiơ̆ tơdrong jang năm ngôi, Thủ tướng Phạm Minh Chính pơgơ̆r pơm lêh sơng Thủ tướng Lào păng hơkăn sư tơ̆ Anih jang Kơdră teh đak; đơ̆ng rŏng kơ ‘noh 2 kơdră chĕp kơ̆l khŭl gĭt kăl 2 teh đak pơgơ̆r pơma đam tơ̆ Anih bơ̆jang Khŭl kơdră teh đak; dơ̆ng lăng lêh kĭ pơkăp hla ar jang hơdai đơ̆ng dôm anih tơm, anih jang, tơring 2 teh đal. Lơ̆m ‘măng năm ngôi âu, Thủ tướng Lào gô hơdai hăm Thủ tướng Phạm Minh Chính vang pơgơ̆r ‘Măng hop akŏm ‘măng mă 46 Anih jang 2 Khŭl kơdră teh đak Việt Nam - Lào.

Kơdră teh đak Võ Văn Thưởng, Kơdră Kuôk hô̆i Vương Đình Huệ gô sơng Thủ tướng Lào Sonexay Siphandone. ‘Măng năm ngôi tơ̆ Việt Nam đơ̆ng Thủ tướng Sonexay Siphandone păng hơkăn sư pơgơ̆r lơ̆m khei ‘năr tơdrong pơvei 2 teh đak hơnơ̆ng tơklep păng hơtŏk tơiung ‘lơ̆ng hơiă. Tơdrong pơvei chĭnh trĭ đei hơmet ‘lơ̆ng, lui ngeh roi ‘năr roi tŏk, vei hơnăp jang tơm, tơƀôh ‘lơ̆ng akŏm tơdrong pơvei 2 teh đak.