‘Măng hop akŏm pơma dơnuh găh tơdrong mŭk drăm tơpôl khei 2, 2 khei blŭng sơnăm; 3 Tơdrong jang tơm teh đak, tơlĕch jên tơmơ̆t jên jang teh đak; dôm tơdrong tơm pơgơ̆r jang lơ̆m khei 3 păng tơ̆ hơnăp kơnh. Thủ tướng athei hơlen lăng găh mŭk drăm tih, dôm tơdrong ƀơm truh hơtŏk kơjă lơ, tơdrong tih nai, mă loi ‘noh jĭ vei sơđơ̆ng dôm hơtŏ tih; hơlen lăng tơdrong anih mơdro sa chă bơngai jang đơ̆ng rŏng Têt; tơdrong ƀơm truh vei sơđơ̆ng tơdrong arih sa tơpôl, sơđơ̆ng chĭnh trĭ, sơđơ̆ng tơpôl, ƀơm truh tơring sơlam, achon đak dơsĭ, tơdrong ƀơm truh tang găn sa pơgơ̆m pơjĭp, ưh kơ ‘lơ̆ng; tơdrong jang pơjing dôm khŭl jang Đảng, tơdrong jang khŭl kơdră teh đak....

Thủ tướng pơma hơdăh, khei 3 âu, kăl kơ đei trong jang akŏm vă jang tŏk, tơgop ăn pơđĭ jăl khei, 1 puăt blŭng sơnăm 2024, pơ đĭ hloi sơnăm 2024, bơ̆jang kiơ̆ jơnei hơnăp jang pơđĭ sơnăm 2024 păng pơđĭ jăl jang 5 sơnăm, đei tơdrong ‘lơ̆ng ƀơ̆t măt hai păng pơđĭ đunh đai hai.