‘Năr 13/6, hăm tơdrong pơgơ̆r đơ̆ng Thủ tướng Phạm Minh Chính, Khŭl kơdră teh đak hop akŏm Tơdrong jang găh pơjing khôi luơ̆t khei 6 vă pơma dơnuh găh 3 Luơ̆t păng 3 tơdrong athei pơjing Luơ̆t ‘noh đei dôm Luơ̆t: Luơ̆t Hóa chất (hơmet ming); Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Roi tơƀôh; Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t hơgăt tơdrong ‘lơ̆ng păng hơgăt ki thuơ̆t păng dôm tơdrong pơjing luơ̆t: Luơ̆t chih răk; Luơ̆t tang găn jĭ; Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Ƀao hiêm pơgang.

Akhan 06 tơdrong tơ̆ ‘Măng hop akŏm pơjing khôi luơ̆t khei 6/2024 tă kơ jing dôm tơdrong đei ƀơm să, tơdrong lơ, Thủ tướng teh đak athei dôm bơngai jang lơ̆m khŭl kơdră teh đak akŏm đon gơh hơgei, hơnơ̆ng tơplih ‘nao; akŏm pơma dơnuh găh dôm tơdrong gĭt kăl, oei tơgop nơ̆r pha ra băl kăl kơ pơma dơnuh, apĭnh tơgop nơ̆r đơ̆ng Khŭl kơdră teh đak; vei sơđơ̆ng ‘lơ̆ng đơ̆ng ‘măng hop akŏm.