Pơma ah hop akŏm, Thủ tướng pơgơ̆r rim anih jang tơm akŏm hơmet hla bar kăl ăn khul kơpal kơ Việt Nam năm truh teh đak Mi vă pơma đam. Kiơ̆ kơ noh, athei Mi pơdơh lê̆ tơdrong tơchơ̆t iŏk thuê̆ hăm Việt Nam tŏ sĕt jat noh 45 năr vă hiôk hian hloh ăn tơdrong hơmet pơm jang. Pơma đam tơchơ̆t pơm hơtŏ gah tĕch pơdro kơjăp sơđơ̆ng, pơyua ăn đĭ 2 pah; pơyua ăn bơngai răt yua kơ 2 teh đak, mă lei ưh đei pơrăm truh tơdrong pơkăp apŭng plenh teh.

Thủ tướng ră hơdah kiơ̆ pơkăp pơma đam trŏ nhen 'măng pơma điê̆n thoăi đơ̆ng ƀok Tổng Bí thư Tô Lâm hăm kơdră teh đak Mi; tơbang tơchơ̆t kơchăng pơma đam hăm Mi, tơchơ̆t thuê̆ tĕch răt tơmam drăm ah pơkăp 0% hăm tơmam drăm răt tơmơ̆t đơ̆ng teh đak Mi; atŭm hăm noh athei Mi iŏk yua tơchơ̆t thuê̆ nhen hăm dôm tơmam răt đơ̆ng Việt Nam; pơtoi pơm trong hiôk gah răt tơmam đơ̆ng teh đak Mi păng Việt Nam răt tơmơ̆t, pơm trong hiôk ăn dôm anih jang kơ teh đak Mi asong jang lơ hloh dơ̆ng tơ̆ Việt Nam.