Đơ̆ng rŏng tơmơ̆ng dôm nơ̆r pơtruh, Thủ tướng Phạm Minh Chính athei jơnŭm chih akŏm chih iŏk nơ̆r tơgop đơ̆ng rim bơngai tang măt vă dah hơmet keh đang păng pơtoi iŏk nơ̆r tơgop đơ̆ng Anih tơm Chĭnh trĭ. Thủ tướng ră hơdah, tơdrong chih Akŏm Tơbang Mŭk drăm – Tơpôl lơ̆m khei năr apŭng plenh teh tơplih tenh, tơnap tap, tơrĕk truh tôm tơdrong.

Thủ tướng pơgơ̆r athei tơguăt hăm tơdrong đei ƀôh, iŏk đơ̆ng tơdrong hơrih vă pơm 'long trek pơkă lơ̆m chih akŏm mă trŏ hăm tơdrong hơrih; athei mă tenh, kơtang hloh, hơgei hloh mă lei athei gơh iŏk jang. Thủ tướng tơƀôh hơdah, tơchơ̆t noh kơjung, khei năr noh tŏ sĕt, tơdrong jang noh lơ, kon pơlei hơpơi chang păng gơnơm athei hơlen pơm thoi yơ vă gơh iŏk jang păng athei jang đei jơnei 2 tơchơ̆t 100 sơnăm nhen Hop akŏm 13 kơ Đảng hlôi tơlĕch.