Pơma ah ‘măng hop akŏm, Thủ tướng Phạm Minh Chính ră hơdah, tơplih ‘nao tơdrong pơm jang kơ Jơnŭm pơgơ̆r teh đak kiơ̆ pơkăp bot ‘lơ̆ng, pơm jang đei jơnei; jang lơ tơdrong kăp gĭt; tơjur ƀiơ̆ kơsô̆ anih jang hơtŏ kơpal ưh đei tơnăp; hơtŏk pran tơdrong asong jang trŏ ƀlep đơ̆ng Trung ương păng tơring,.. jĭ tơchơ̆t jang, păng sơnong jang, trong jang kăp gĭt  vă pơjing tơdrong jang hanh chĭn teh đak gơh hơgei, pơm jang kơyuơ kơ kon pơlei.

Thủ tướng pơkăl rim bơngai jang lơ̆m Jơnŭm pơgơ̆r jang pơma đam hơdah tơchơ̆t vă chih akŏm Tơchơ̆t pơm jang, kiơ̆ kơ inh Tơdrong tơchơ̆t pơm jang athei đei 2 tơdrong tơm: Chih hơlen, sơkơ̆t đei tôm tơdrong kăl, sơnong pơgơ̆r păng pơm jang kơ 4 jăl jang kơ Jơnŭm pơgơ̆r teh đak (đơ̆ng jăl 12 truh jăl 15); Tơlĕch tơchơ̆t hơdah sơnong jang, trong jang gah keh đang jơnŭm pơgơ̆r teh đak ah jăl jang 16 păng jăl jang đơ̆ng rŏng kơ noh.