‘Măng hop akŏm đei pơgơ̆r trực tuyến lơ̆m teh đak tơ̆ hơnih pơdăh tivi Anih jang Khŭl kơdră teh đak păng hơnih pơdăh tivi anih jang dôm Anih tơm, anih jang hơtŏ Anih tơm, anih jang găh Khŭl kơdră teh đak, Anih vei lăng kon pơlei dôm dêh char, pơlei tơm găh Trung ương. Sơnăm 2023, tơplih kơsô̆ teh đak đei tŭn pran kiơ̆ trong đĭ đăng kon pơlei, tôm tơdrong, đei iŏk yua ‘lơ̆ng, tơgop ‘lơ̆ng lơ̆m hơtŏk tơiung mŭk drăm tơpôl teh đak. Sơnăm Chih răk kơsô̆ teh đak, bơ̆n hlôi pơm đei dôm tơdrong ‘lơ̆ng lơ̆m pơm păng tơroi băl hla ar chih răk lơ̆m anih jang teh đak, pơm tơdrong ‘lơ̆ng ăn hơtŏk tơiung pơđĭ 3 tơdrong tơm ‘noh jĭ khŭl kơdră teh đak kơsô̆, mŭk drăm kơsô̆, tơpôl kơsô̆.

Kơsô̆ tơplih ‘nao hơgei kơ Việt Nam sơnăm 2023 dơ̆ng mă 46/132, tŏk 2 kơnao pơtêng hăm sơnăm 2022. Iung pơma tơ̆ jơ hop akŏm, Thủ tướng Phạm Minh Chính pơma hơdăh, tơplih kơsô̆ teh đak sơnăm 2023 đei tŭn pran kiơ̆ trong đĭ đăng kon pơlei, tôm tơdrong, đei iŏk yua ‘lơ̆ng, tơgop ‘lơ̆ng lơ̆m hơtŏkt ơiung mŭk drăm - tơpôl teh đak, hăm 6 jơnei tơm. Thủ tướng vei kơjăp đon tơchĕng lơ̆m tơdrong jang tơlpih kơsô̆: Athei ling lang đei đon chĕng ‘nao, tơchĕng athei phuăng, đon pơ hnŏng athei tih, hơdrin athei lơ, bơ̆jang athei kơtang hăm trong jang khoa hŏk, đei yua. Hơtŏk tơiung mŭk drăm kơ sô̆ mĭnh trong akŏm, tôm tơdrong mă lei athei tơgŭm hơdrol ‘lơ̆ng hloh kơdâu kiơ̆ kơsô̆ lơ.