Trong tơlei unh hơyuh 500kV jăl  3 pơtoi đơ̆ng Phố Nối, Hưng Yên truh Quảng Trạch, Quảng Bình, jăl găn dôm dêh char Thanh Hóa, Nghệ An, Hà Tĩnh. ‘Nâu jing tơdrong hop akŏm mă 4 kơyuơ Thủ tướng teh đak bơ̆n pơgơ̆r, hơlen, hơvơn tơlĕch jang lơ̆m 6 khei kơ âu. Sơkơ̆t pơtôch hop akŏm, Thủ tướng teh đak bơ̆n Phạm Minh Chính sơkơ̆t hơdah Trong tơlei unh hơyuh 500 kV jăl 3 noh tơdrong jang tơm kăp gĭt gah mŭk drăm – tơpôl, vei sơđơ̆ng tơpôl kơ teh đak păng pơyua ăn tơpôl dôm tơring mă đei dăng trong tơlei unh.

Thủ tướng teh đak bơ̆n pơkăl rim anih iŏk jang dah jang tenh kuăng hloh dơ̆ng, vă vei sơđơ̆ng ‘lơ̆ng, trŏ nhen kih thuơ̆t pơkăp, sơđơ̆ng lơ̆m pơm jang. Thủ tướng pơkăl rim anih jang tơm, rim tơring hơdrin keh đang tơdrong pơkăp jang sơng Kơ kuh tơbăt 79 sơnăm Kăch mạng khei 8 păng Kuôk khanh năr 2/9.