Pơma ah hop akŏm 6 khei hơtuch sơnăm, hăt hot keh đang hla bar pơkăp hơdah iŏk yua Luơ̆ưt Pơlong, pôk hơpah sơnăm 2022. Pơjao ăn Anih tơm Tư phap pơgơ̆r, jang hadoi hăm Anih tơm Nô̆i vŭ pơgơ̆r dôm tơring dah chih akŏm pơtho pơm kiơ̆ Luơ̆ưt Pơlong, pôk hơpah kiơ̆ trŏ nhen tơchơ̆t pơgơ̆r.

Thủ tướng pơjao ăn Anih tơm Nô̆i vŭ pơgơ̆r, jang atŭm hăm dôm anih jang đei tơrĕk keh đang, pơtruh ăn Thủ tướng teh đak tơlĕch Tơchơ̆t Tơdrong vă pơgơ̆r Hop akŏm pơlong jang băt ‘mêm kơ teh đak lơ̆m jơ̆p teh đak ‘măng mă 11; tơgŭm ăn Thủ tướng teh đak bơ̆n, Kơdră Jơnŭm jang tơlĕch tơchơ̆t pơlong jang sơng kơ kuh kơ hop akŏm đảng dôm jăl, sơkơ̆t truh Hop akŏm bơngai tang măt jơ̆p teh đak ‘măng mă 14 kơ Đảng. Thủ tướng pơjaoa ưn Anih tơm Nô̆i vŭ, Anih tơm Trong nơnăm chơ tơmam drăm jang atŭm hăm dôm anih jang tơm, rim tơring đei tơrĕk tơlĕch pơm jang tơnăp ‘Măng pơlong “500 măng năr sơkơ̆t khŏm mă pơlong đei jơnei keh đang dôm tơdrong tơlĕch man trong gre kơđâu renh".