Ah jơ lêh, Thủ tướng akhan: Tơdrong mơ̆t jang hadoi oei ƀơm lơ tơnap tap, mă lei bơ̆n jang hadoi ưh đei gô chang gơnơm, hăm rim teh đak vang jang ayơ; iŏk răh trong jang hơdai hiôk hian, pơtrŏ rah hăm tơdrong tơnap tap pơm jang đei jơnei vă hơtŏk tenh, kơjăp sơđơ̆ng. Thủ tướng akhan, Hla bar chih sơkơ̆t tơdrong jang FTA hlôi chih tơbang hơdah, trŏ tôm tơdrong pơm kiơ̆ tơchơ̆t FTA tơ̆ rim tơring; pơm anih dơnơm, tơgŭm Jơnŭm pơgơ̆r teh đak păng rim anih jang tơm, rim tơring pơkăp trong pơgơ̆r jang, tĕch răt tơmam drăm hăm teh đak đe, vei sơđơ̆ng tơdrong pơm jang hăm tĕch răt tơmam drăm hăm teh đak đe.

Hơtŏk tơdrong pơma đam, kĭ pơkăp păng pơm kiơ̆ 17  FTA hăm tôm anih jang mŭk drăm, anih jang pran lơ̆m apŭng plenh teh, 'nhăk Việt Nam jing minh lơ̆m dôm teh đak yuk hơlou lơ̆m tơring păng lơ̆m apŭng plenh teh gah vang jang hadoi mŭk drăm 2 pah păng lơ pang. Tơdrong iŏk pơm jang đei jơnei kơjăp dôm FTA adoi tơgop hơtŏk tơmam drăm tĕch răt hăm teh đak đe tŏk pran kơtang, sơđơ̆ng kơjă păng pơkăp gah jang mŭk drăm, tơgop kăp gĭt lơ̆m tơdrong hơtŏk mŭk drăm kơ teh đak.