Pơma ah jơ bơ̆ jang, Thủ tướng Phạm Minh Chính ră hơdah, hop akŏm vă sơkơ̆t hơdah tơdrong jang kơ Anih jang păng dôm anih jang tơm lơ̆m sơmăm 2023 păng dôm sơnong jang đei tơlĕch jang păng tĕch pơdro sơnăm 2024 păng asong hơtŏk mŭk drăm – tơpôl. Thủ tướng ră hơdah, sơnong jang sơnăm 2024 tih hloh sơnăm 2023, athei keh đang tơnăp hloh kơ sơnăm 2023.

Hăm tơdrong hơpơi ‘meh lơ̆m sơnăm 2024, dôm anih jang tơm athei asong jang lơ hloh, Thủ tướng pơkăl rim bơngai tang măt akŏm pơma đam, tơgop nơ̆r, iŏk yua kơ̆l ‘ngok hơgei đơ̆ng khul jang, sơkơ̆t hơdah dôm trong jang, sơnong jang tơm ah sơnăm 2024 kơ Anih jang păng anih jang tơm lơ̆m tơlĕch jang hơtŏk mŭk drăm – tơpôl 2024, mă kăl noh sơnong asong jang hơtŏk tơ-iung.