Lơ̆m dôm sơnăm kơ âu, Jơnŭm hơtŏk Jang tơbôl kon pơlei Nhâ̆t hlôi đei lơ tơdrong jang kăp gĭt, đei jơnei tơnăp, tơgop hơtŏk tơbôl păng jang hadoi lơ tơdrong đơ̆ng Việt Nam păng Nhâ̆t nhen: Pơtruh khul chă hơlen jang mŭk drăm, pơtho pơhrăm, joh ayŏ truh Việt Nam; tơlĕch dôm tơdrong asong jang – tĕch pơdro kơ 2 teh đak; tơgŭm hơtŏk bơngai jang ăn Việt Nam; akŏm pơma dơnuh hăm khul jang đơ̆ng Việt Nam năm tơmang teh đak Nhâ̆t; hăt hot tơgŭm dôm tơdrong jang kơ Anih jang tang măt ăn teh đak Việt Nam tơ̆ Nhâ̆t.

Khei năr truh, Thủ tướng Phạm Minh Chính akhan, 2 pah kăl pơtoi pơhrăm đe mơlôh kơ 2 teh đak pơtoi vei răk tơƀăk mong tơdrong tơbôl jing mŭk drăm kăp gĭt kơ 2 hơdrung hơdrĕch; chĕp vei dôm tơdrong hlôi jang đei, athei hơlen tơnăp dôm tơdrong tam mă jang keh; jang hơdah tơbôl Jang hadoi đơ̆ng dôm tơdrong, vă hơtŏk tơdrong tơbôl kơ 2 teh đak roi năr roi kơhret, jang đei jơnei hloh.