‘Măng hop akŏm au akŏm pơma dơnuh 5 tơdrong, lơ̆m au đei 3 tơdrong vă pơjing Khôi luơ̆t ‘noh: Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Gak vei lăng; Khôi luơ̆t tơjră, tang găn tĕch mơdro bơngai (hơmet ming); Khôi luơ̆t Kŏng chưng (hơmet ming) păng 2 nơ̆r athei tơ iung pơjing Khôi luơ̆t đei: Khôi luơ̆t Thuê̆ jang sa iŏk đei kơ Hơnih mơdro sa (hơmet ming); Khôi luơ̆t xek tơlang (hơmet ming). Akhna ‘măng hop akŏm hăm 5 tơdrong, jei jing dôm tơdrong kăl, tôch tơnap, đei ƀơm truh mŭk drăm-tơpôl kơtang, Thủ tướng athei rim kơdră jang lơ̆m Khul kơdră Teh đak akŏm jơhngơ̆m đon hơgei; iung pơma kơđeh, akŏm pơma dơnuh găh rim tơdrong kăl, oei đei nơ̆r tơgop phara dih băl kăl pơma dơnuh, apĭng jet Khul kơdră Teh đak, sơđơ̆ng pơkăp, sơđơ̆ng ‘lơ̆ng kơ ‘Măng hop akŏm. Mă kăl, Thủ tướng athei rim hơnih jang chih kơtơ̆ng ang akŏm chih tơbăt lơ hloh dơ̆ng ăn bơ̆ jang pơrô̆ tơbăt tơ iung pơjing khôi luơ̆t, trong jang tơgŭm djru, pơtho tơbăt trong oei sa ‘lơ̆ng ăn kon pơlei, mă kăl pơgĕnh tơgop nơ̆r tơ iung pơjing khôi luơ̆t đơ̆ng dôm bơngai đei ƀơm truh, rim bơngai joăt jang, rim bơngai khoa hŏk, trong jang hơ iă đơ̆ng teh đak đe.