Kiơ̆ trong pơprŏ jang đei tơchơ̆t, tơring Tơmăn đak kroong Củu Long đei 6 jăl trong gre rĕnh hăm akŏp hơtăih kơjung dang 1.188km. Lăng truh trong tơlĕch jang đơ̆ng rŏng sơnăm 2025, pơđĭ lơ̆m tơring Tơmăn đak kroong Củu Long đei dang 548 km trong glung rĕnh đei tơmơ̆t ăn gơ̆h rok păng truh sơnăm 2030 ‘noh 763km. Iung pơma tơ̆ hop akŏm Thủ tướng Phạm Minh Chính pơma hơdăh, tơring Tơmăn đak kroong Củu Long đei lơ tơdrong rơvơn mă lei trong nơnăm kăl dang ei tơnap tap, mă kăl trong nơnăm, tơgoăt hloi gre chơ pơdŭ tơmam drăm gô tơnap tap, atŏk kon jên jang Logistic, pơm tơjur tơdrong pơjei tơmam drăm. Thủ tướng athei rim kơdră tang măt tơgop nơ̆r pơma tơpăt hloi truh tơdrong, tơƀôh hơdăh tơdrong tơhlăk tơhlĭn, đei trong hơmet pơ ‘lơ̆ng, tơdrong kiơ jang ‘lơ̆ng ‘noh jang kiơ̆, lang să; athei pôk bơnê rim bơngai, khul jang ‘lơ̆ng; bơngai ayơ, khul ayơ sa pơgơ̆m pơjĭp ‘noh kăl xek tơlang mă kơhret.