Kiơ̆ tơbăt, lơ̆m 6 khei blŭng sơnăm, bơ̆ jang hơmet pơ ‘lơ̆ng trong bơ̆ jang hơnơ̆ng đei tơplih ‘nao. Lơ̆m au akŏm xek tơlang dôm tơdrong tơnap tap, tơhlăk tơhlĭn đei ƀơm truh hơmet pơ ‘lơ̆ng trong bơ̆ jang.

Rim hơnih tơm, hơnih bơ̆ jang, tơring hlôi hơdrin jang kiơ̆ dôm tơdrong đei pơjao. Kiơ̆ chih jô̆, hơlen, trong pơprŏ hơmet ming trong bơ̆ jang kơ rim hơnih tơm, hơnih jang hlôi tơlĕch 845 tơdrong jang, Hơnih vei lăng kon pơlei rim dêh char, pơlei tơm hlôi tơlĕch 3003 tơdrong jang. Rim hơnih tơm, hơnih bơ̆ jang Trung ương hlôi jang keh đang 296 tơdrong jang; Hơnih bơ̆ jang vei lăng kon pơlei rim dêh char, pơlei tơm hlôi jang keh đang 1.384 tơdrong jang. Thủ tướng athei, rim kơdră jang lơ̆m Hơnih chĕp pơgơ̆r akŏm hơlen, pơm hơdăh dôm tơdrong hlôi iŏk đei jơnei, dôm tơdrong jang tim mă ‘lơ̆ng lơ̆m hơmet pơ ‘lơ̆ng trong bơ̆ jang, hơmet pơ ‘lơ̆ng dôm tơdrong oei tơhlăk tơhlĭn lơ̆m tơlĕch jang kiơ̆.