Tơ̆ jơ pơma đam Thủ tướng athei dôm Grŭp jang, anih mơdro sa pơjing dôm anih pơtho pơhrăm, anih tơchĕng hơlen păng hơtŏk tơiung, chhơ̆, hơlen lăng chip tơ̆ Anih tơplih ‘nao pơcheh hơgei teh đak (NIC) păng dôm anih jang mă lăp kơ Việt Nam; Hơtŏk loi dơ̆ng jang hơdai, pơjao kơmăy kơmŏk; Tơgŭm pơtho pơhrăm bơngai jang ‘lơ̆ng, mă loi ‘noh jĭ bơngai jang vei lăng, ki sư, tơchĕng hơlen khoa hŏk lơ̆m tơdrong jang bán dẫn; jang hơdai, răt tơmam dôm anih mơdro ‘lơ̆ng kơ Việt Nam vă pơm tơlĕch dôm tơmam chip; Tơchĕng hơlen tơdrong pơm hnam kơmăy pơm tơlĕch chip tơ̆ Việt Nam.

Thủ tướng pơma hơdăh, Việt Nam đei lơ tơmam ‘lơ̆ng, đei yua vă hơtŏk tơiung kơmăy kơmŏk ‘nao, iŏk yua khoa hŏk kơmăy kơmŏk păng tơplih ‘nao pơcheh hơgei.