Pơma kơkuh chơt hơiă kơdră chĕp kơ̆l 19 Grŭp jang tih hloh kơ Trung Quốc lơ̆m tơdrong jang hơtŏk tơiung rơgoh, mŭk drăm kơsô̆ păng dôm bơngai tang măt vang truh pơma đam,  Thủ tướng Phạm Minh Chính  pơma hơdăh Đảng, teh đak Việt Nam ling lang lăng hơtŏk tơiung tơdrong pơvei tơbôl hăm Trung Quốc ‘noh jĭ ‘meh vă ‘lơ̆ng, rơih iŏk gĭt kăl păng pơ ‘nhŏ hơdrol lơ̆m akŏm trong jang tơbôl đơ̆ng Việt Nam.

Akhan pơma đam ‘noh jĭ 1 hơyak tơlĕch jang hơdăh hlôh vao atŭm gĭt kăl đơ̆ng 2 Đảng, 2 teh đak lơ̆m hơtŏk loi dơ̆ng tơdrong pơvei jang hơdai gĭt kăl tôm tơdrong Việt-Trung, tơgop pơjing Tơpôl vang tơgŭm băl tơ̆ hơnăp kơnh Việt Nam-Trung Quốc đei ‘lơ̆ng gĭt kăl, Thủ tướng ‘meh vă dôm anih mơdro Trung Quốc gô hơdai hăm dôm Anih tơm, anih jang Việt Nam pơma dơnuh tơpăt, tơlĕch dôm đon tơchĕng, pơcheh jang hơdai ‘lơ̆ng vă pơm kơjăp jang hơdai mŭk drăm, mơdro sa, tơmơ̆t jên jang roi ‘năr roi ‘lơ̆ng hloh.