Tơ̆ jơ pơma đam, Thủ tướng Phạm Minh Chính sơkơ̆t hơdah Việt Nam hơnơ̆ng lăng tơgĭt sơnong jang, anih dơ̆ng kơ teh đak Đức lơ̆m tơring păng lơ̆m kơpal teh.

Vă hơtŏk pran tơdrong jang hadoi 2 pah tŏk bŏk oei hơtŏk ‘lơ̆ng, 2 ƀok kơdră drơ̆ng nơ̆r hơtŏk asong khul kơpal năm tơmang dih băl; pơtoi jang hadoi, tơgŭm dih băl lơ̆m dôm tơdrong jang lơ pang; drơ̆ng nơ̆r hơtŏk hơvơn anih jang mŭk drăm Đức asong jang tơ̆ Việt Nam, mă hăt noh gah dôm tơdrong mă Đức pran nhen unh hơyuh, trong gre treng, kơmăi kơmŏk hơmet jĭ jăn, pơgang, hnam jang âu to. Ƀar kơdră drơ̆ng nơ̆r hơtŏk kơtang jang hadoi gah pơtho hơtŏk bơngai jang hơgei, hơtŏk pơjing dôm trong pơkăp jang hadoi lơ̆m pơtho bơngai jang.