Tơ̆ jơ pơma đam, Kơdră tơm Brazil lui ‘măng năm hơpong gô tơgop pơm hơtŏk tơdrong pơvei păng jang hơdoi ‘lơ̆ng hơiă đơ̆ng sơ̆ tŏk ‘lơ̆ng hlŏh dơ̆ng tơ̆ hơnăp kơnh, tơgop ‘lơ̆ng ăn tơdrong rơngei, sơđơ̆ng ‘lơ̆ng, jang tŏk tơ̆ 2 tơring păng lơ̆m apŭng plenh tĕh. 

Ƀar păh lăp đon mưh ƀôh tơdrong pơvei đơ̆ng 2 tĕh đak hơnơ̆ng tŏk ‘lơ̆ng păng roi đunh roi đei yoa, mă loi găh chinh trĭ, jang tơbôl, mŭk drăm tĕch mơdro, khul linh vei lăng sơ đơ̆ng, choh jang xa, khoa hŏk kơmăy kơmŏk, jŏh ayŏ kơ dŏ xoang, pơtho pơhrăm. 2 păh drơ̆ng nơ̆r hơnơ̆ng hơtŏk tơdrong năm hơpong tơ̆ băl, pơgơ̆r tơƀâp tih găh rim tơdrong kiơ̆ đơ̆ng Đảng, Tĕh đak, Khul kơdră tĕh đak, Quốc hội; jang hơdoi vang pơgơ̆r lơ tơdrong vă tơbăt 35 sơnăm pơjing tơdrong pơvei jang tơbôl lơ̆m sơnăm 2024.