Tơ̆ pơma đam, Thủ tướng Phạm Minh Chính sơkơ̆t hơdah Việt Nam hơnơ̆ng lăng tơgĭt păng hơpơi ‘meh hơtŏk jang tơbôl hăm Hungary, jang tôm tơdrong mă blŭng đơ̆ng Việt Nam tơ̆ Trung Đông Âu. Ƀar Thủ tướng hlôi pơma đam gah dôm trong jang tih păng hơdah vă hơtŏk Jang Tơbôl tôm tơdrong Việt Nam-Hungary tŏk minh jăl ‘nao.

Pơma đam gah dôm tơdrong đei ƀôh lơ̆m tơring păng lơ̆m apŭng plenh teh mă atŭm tơrĕk truh, ƀar Thủ tướng sơkơ̆t tơgŭm sek tơlang tơdrong tơgar hăm trong rơngei hiôk hian, trŏ hăm luơ̆t apŭng plenh teh păng Tơchơ̆t đơ̆ng Liên hơp kuôk, lơ̆m noh ưh đei yua tơdrong teh dong dah mă pơjuă hăm phao kơtuang, vei sơđơ̆ng rơngei hiôk hian păng hơtŏk tơ-iung tơ̆ tơring păng lơ̆m kơpal teh.