Tơ̆ jơ pơma dơnuh, Thủ tướng Phạm Minh Chính pơma hơdăh găh tơdrong kăl kơ atŏk kơtang jang hơdoi mŭk drăm, tơdrong jang tơm kơ tơgoăt tơgoăl ƀar teh đak, atŏk kơtang jang hơdoi mŭk drăm, jang hơdoi vei lăng sơđơ̆ng mŭk drăm; pơtrŭt kơtang jang hơdoi gĭt kăl; pơma pơkăp hơnơ̆ng pơjing đei rơvơn ăn hloh 2.000 hơnih mơdro sa Nhật Bản jang hơdoi tơmơ̆t jên jang păng mơdro sa tơ̆ Việt Nam. Thủ tướng athei Nhật Bản lăng hơlen ăn asong Việt Nam tŏk iŏk kon jên jang ODA ăn rim tơdrong vă jang atŏk tơ iung trong hnam, trong gre treng tơring kơdrơ̆m, trong gre treng rĕnh. Thủ tướng jei athei pơ̆ih să jang hơdoi lơ̆m rim tơdrong jang ‘nao nhen tơplih kơsô̆, kmăi kmŏk hơgei; pơm hơtŏk loi dơ̆ng jang hơdoi găh bơngai jang, pơtho pơjing bơngai jang hơgei; pơtrŭt kơtang tơring jang hơdoi dih băl, kon pơlei ƀar teh đak chă năm ngôi dih băl; hơpơi ‘meh vă Nhật Bản hơnơ̆ng đei trong jang pơtrŭt, tơgŭm djru bơngai Việt Nam tơ̆ Nhật Bản.