Tơ̆ pơma đam, ƀar Thủ tướng hơnơ̆ng drơ̆ng mĭnh nơ̆r atŏk kơtang rim ‘măng năm ngôi, tơƀơ̆p kơdră kơpal păng rim hơnih jang pơđĭ khul Đảng, Teh đak, Khul kơdră teh đak păng Nghĭ viên; mă kăl drơ̆ng mĭnh nơ̆r gô pơgơ̆r ‘măng tơƀơ̆p joăt joe ƀar păh Thủ tướng ƀar teh đak vă pơma dơnuh găh jang hơdoi dih băl păng rim tơdrong ƀar păh lăng truh.

Ƀar Thủ tướng pơma hơdăh, kăl tơlĕch jang kiơ̆ jơnei tơgoăt tơgoăl jang hơdoi mŭk drăm-Tơpôl Kơsô̆, pơjing hơyak blŭng hơnhăk jang hơdoi Việt Nam - Singapore jing trong ‘lơ̆ng hloh lơ̆m đunh đai tai sơnăm lơ̆m khul ASEAN; hôn bơnê kơtang tơdrong ƀar păh hlôi tơtom hơmet keh đang tơdrong atŏk Tơdrong tơchơ̆t Tơgoăt ƀar teh đak jang mŭk drăm Việt Nam - Singapore. Thủ tướng Tehj đak Phạm Minh Chính athei Singapore pơjing rơvơn atŏk kơtang răt tơmơt tơmam drăm đơ̆ng Việt Nam; pơ̆ih să tơmơ̆t jên jang lơ̆m rim tơdrong jang tơm păng tơmam drăm kăl kơ Việt Nam; tơgŭm Việt Nam atŏk tơ iung rim tơdrong jang kmăi kmŏk tơgŭdjru ăn rim hơnih jang pơm tơlĕch tơmam drăm nhen tanh mei, pơm tơlĕch tơmam drăm ‘long, pơm duk, tơ iung pơjing hnam kmăi kmŏk, hoă chơ̆t, đak dau.