Lêh sơng Thủ tướng Belarus đei pơgơ̆r tih tơ̆ Anih jang Kơdră teh đak. Đơ̆ng rŏng lêh sơng, 2 Thủ tướng hlôi pơgơ̆r pơma đam găh jang hơdai 2 pang păng dơ̆ng lăng lêh kĭ pơkăp dôm hla ar jang hơdai.

‘Măng năm ngôi đơ̆ng Thủ tướng Belarus gô pơm tơdrong pran ăn tơdrong hơmet ming păng hơtŏk loi dơ̆ng tơdrong pơvei đơ̆ng 2 teh đak Việt Nam-Belarus. Lơ̆m jơnăr năm ngôi âu, kơdră chĕp kơ̆l 2 teh đak gô dăr hơlen tơdrong jang hơdai păng pơma dơnuh tơchă đei dôm hơyak năm hơdăh vă pơtrŭt tơdrong pơvei jang hơdai tơ̆ hơnăp kơnh.