Tơ̆ jơ pơma nuh, Thủ tướng Phạm Minh Chính pơma hơdăh Khul kơdră teh đak Việt Nam vă hơnơ̆ng jang hơdoi hăm Khul kơdră teh đak Singapore pơm hơtŏk tơdrong pơvei jang hơdoi gĭt kăl đơ̆ng 2 teh đak tŏk roi đunh roi pran ‘lơ̆ng, păng roi đei yoa, tơgăl jĭ 1 tơdrong ‘lơ̆ng hơiă, gơ̆h hơgei lơ̆m ASEAN păng jing um rup vă tưk tơiung dôm trong jang hơdoi nai lơ̆m khul.

Thủ tướng Singapore pơma hơdăh vă hơnơ̆ng pơgơ̆r ăn khul grŭp pơma nuh, tơƀâp băl ăn kơ dră chĕp kơ̆l păng tơring tơrang kŭm nhen dôm trong jang 2 pang, mă loi jĭ tơdrong tơƀâp rim sơnăm đơ̆ng Thủ tướng 2 teh đak vă hơtŏk tơdrong pơvei păng đon lui băl găh chinh trĭ. Găh dôm tơdrong tơ̆ tơring, 2 păh drơ̆ng nơ̆r hơtŏk tơdrong pơvei mât mĭnh ƀơ̆r đon lơ̆m ASEAN, tơgŭm ăn teh đak Lào iŏk jang ‘lơ̆ng hơnăp jang pơm Kơdră ASEAN 2024, tơrek truh tơdrong jang tŏk kơjăp ‘lơ̆ng đơ̆ng dôm tơring iĕ lơ̆m ASEAN, lơ̆m nŏh đei tơring Mê Công, kiơ̆ đơ̆ng noh tơgop ‘lơ̆ng ăn ASEAN jang tŏk kơdih, hơnŭk hơnoa păng pran kơjăp, atŏk tơiung hơnăp jang tơm lơ̆m tơring.