Tơ̆ jơ pơma dơnuh, Thủ tướng Phạm Minh Chính hôn bơnê kơ ‘măng năm ngôi đơ̆ng Kơdră Hạ viện Malaysia. 2 Kơdră chĕp kơ̆l drơ̆ng nơ̆r găh dôm trong jang hơdai gĭt kăl tơ̆ hơnăp kơnh vă hơnhăk tơdrong pơvei 2 teh đak tŏk ‘lơ̆ng ‘nao. Thủ tướng Teh đak athei 2 teh đak hơnơ̆ng hơmet ming đon lui chĭnh trĭ ‘moi kiơ̆ hơtŏk loi dơ̆ng pơma dơnuh đơ̆ng khŭl kơdră kơpal, rim kơdră păng lơ̆m đĭ đăng rim hơnih jang; hơdrin hơnhăk jên mơdro sa 2 pang đei 18 ti USD kiơ̆ trong hơtŏ băl; pơm tơdrong hiôk tĕch tơlĕch, răt tơmơ̆t dôm tơmam 2 păh đei tơmam ‘lơ̆ng păng pran; athei Malaysia tơgŭm Việt Nam hơtŏk tơiung anih jang kơmăy kơmŏk Halal păng jăh kĭ hla ar jang hơdai lơ̆m tơdrong jang ‘nâu.

2 păh kŭm drơ̆ng nơ̆r jang hơdai kơjăp hăm băl păng dôm teh đak ASEAN nai pơjing 1 ASEAN pôm nơ̆r ƀơ̆r đon, hơtŏk loi dơ̆ng jang hơdai tơdoă lơ̆m grŭp, hơtŏk hơnăp jang tơm lơ̆m hơmet pơ ‘lơ̆ng dôm tơdrong lơ̆m tơring; drơ̆ng nơ̆r pơvei tơdrong jang atŭm kơ ASEAN lơ̆m tơdrong Biển Đông...