Thủ tướng Phạm Minh Chính pơma hơdăh Đảng, Teh đak păng kon pơlei Việt Nam ling lang lăng kăl păng ‘măn tơgŭm hơdrol lơ hloh ăn tơdrong pơvei tơbôl tih tên, 1 jơhngơ̆m đon gĭt kăl păng jang hơdai tôm tơdrong Việt Nam - Lào, lăng ‘nâu jĭ mŭk drăm kăp gĭt, athei ‘lơ̆ng, tơgŭm hơdrol, rơih iŏk hơdrol păng jing tơdrong tơm gĭt kăl hăm tơdrong jang kach mang kơ 2 teh đak, kăl kơ chĕp vei ăn dôm jơhnơr ning nai kơnh.

Ƀar kơdră chĕp kơ̆l drơ̆ng nơ̆r tơ̆ hơnăp kơnh, 2 păh kăl kơ akŏm bơ̆jang kiơ̆ đei yua dôm tơdrong tơchơ̆t, drơ̆ng nơ̆r jang hơdai đơ̆ng 2 teh đak, mă loi ‘noh jĭ pơtôch ‘măng tơƀơ̆p đơ̆ng 2 Anih tơm Chĭnh trĭ Việt Nam - Lào tơjê̆ âu tơ̆  Hà Nội; hơtŏk loi dơ̆ng tơgoăt hơdai 2 teh đak jang mŭk drăm Việt Nam - Lào păng đơ̆ng 3 teh đak jang mŭk drăm Việt Nam - Lào - Campuchia; hơnơ̆ng tơroi băl tơdrong hlôh vao, roi tơbăt, jang hơdai kơjăp păng tơgŭm dih băl tơ̆ dôm hop akŏm apŭng plĕnh teh păng tơring.