‘Nâu jĭ 3 tơdrong jang pơm trong gre gĭt kăl kơ tĕh đak, akŏm đĭ đăng 3 tŏ trong kơjung truh 247 km; hăm đĭ đăng jên pơm 3 tŏ trong âu hlŏh 115 rơbâu ti. Thủ tướng oei athei dôm anih tơm ƀơm truh tơ̆ Trung ương jang hơdoi hăm Anih tơm vei lăng trong nơnăm, Anih vei lăng kon pơlei 7 dêh char, plt đei pơjao bơ̆ jang, hơnơ̆ng pơjing tơdrong hiôk hian, tơtom hơmet ming dôm tơdrong pơmat tat, tơhlăk tăk, vei lăng ‘lơ̆ng tơdrong sơđơ̆ng vă Anih vei lăng tơdrong jang păng dôm anih iŏk jang pơm trong trŏ khei ‘năr hơgăt, đei yoa.

Khul Kơdră tĕh đak vă hơnơ̆ng ‘măn tơdrong tơgŭm, chĕp kơ̆l pơgơ̆r jang tôch ai vă jang kĕh 03 tơdrong jang âu kŭm nhen dôm tơdrong jang pơm trong nai trŏ khei ‘năr hơgăt, kơjăp ‘lơ̆ng; pơm lăp hăm tơdrong ‘mĕh vă jang atŏk tơiung mŭk drăm, tơpôl, pơm hơtŏk tơdrong arih xa ăn kon pơlei. Lơ̆m ‘năr 18/6, Thủ tướng Phạm Minh Chính vang truh et hơtŏk 2 tŏ trong gre kơdâu jăl Nha Trang - Cam Lâm păng Vĩnh Hảo - Phan Thiết.