Tơ̆ jơ tơƀâp, Thủ tướng lui, ‘măng năm hơpong đơ̆ng Kơdră Hạ viện ‘nŏh jĭ jơnăr tôch gĭt kăl, vang tơgop pơih đei 1 chăl ‘nao lơ̆m tơdrong jang hơdoi Việt Nam – Thụy Sĩ; atŭm hăm ‘nŏh kiơ̆ đơ̆ng ‘măng năm hơpong âu, ƀok Kơdră gơ̆h ƀôh tơdrong joh ayŏ kơ dŏ xoang păng kon bơngai Việt Nam ‘lơ̆ng hơiă, iâm dim, băt ‘mêm tơmoi.

Vă hơtŏk đon hlôh păng lui băl găh chinh trĭ, pơjing jơhngâm pran tưk hơtŏk tơdrong jang hơdoi đơ̆ng 2 tĕh đak, Thủ tướng athei 2 păh hơnơ̆ng bơ̆ jang hơdoi, pơgơ̆r ăn khul grŭp, kon pơlei tơƀâp pơma nuh hăm băl; jang hơdoi kơjăp tơ̆ rim khul grŭp lơpang, tơgop ăn tơdrong rơngei, hơnŭk hơnoa păng sơđơ̆ng ‘lơ̆ng tơ̆ tơring păng lơ̆m plei tĕh.