Ƀar ‘nu Kơdră chĕp kơ̆l pơma hơdăh ‘moi kiơ̆ dôm kơjă kăp gĭt đơ̆ng tơdrong pơvei ‘lơ̆ng hơiă yoa Ƀok Hô păng Kơdră tơm Soekarno pơjing, 2 tĕh đak vă hơtŏk tơdrong pơma nuh, pơgơ̆r tơƀâp băl ăn kơdră chĕp kơ̆l păng khul jang kơpal tơ̆ hơnăp kơnh, vă tơbăt 10 sơnăm pơjing tơdrong pơvei jang hơdoi gĭt kăl lơ̆m sơnăm 2023 păng năm truh dôm tơdrong tih tơbăt 70 sơnăm pơvei jang tơbôl păng 80 sơnăm Quốc khánh kơ 2 tĕh đak lơ̆m sơnăm 2025;

Drơ̆ng nơ̆r tưk tơiung trong jang hơdoi 2 pang păng tơlĕch jang ‘lơ̆ng dôm tơdrong tơchơ̆t, tơdrong drơ̆ng nơ̆r hlôi đei kĭ pơkăp, lơ̆m nŏh đei jăh tơmât yoa hla ar kĭ pơkăp jang hơdoi tơ̆ đak dơsĭ păng tơlĕch jang kiơ̆ tơ̆ yăn âu, pơjing jơhngâm pran tưk tơiung tơdrong pơvei jang hơdoi Gĭt kăl tŏk pran ‘lơ̆ng hlŏh dơ̆ng, năm truh tơdrong Jang hơdoi gĭt kăl tôm tơdrong tơ̆ hơnăp kơnh; adrin pơm hơtŏk jên tĕch mơdro đơ̆ng 2 pang đei 15 ti USD lơ̆m sơnăm 2028.