Thủ tướng Phạm Minh Chính tơroi ăn Kơdră tơm Yoon Suk Yeol găh dôm tơdrong gĭt kăl mă 2 păh iŏk đei lơ̆m tơdrong pơam đam đơ̆ng 2 Thủ tướng. Thủ tướng Phạm Minh Chính oei athei 2 păh hơnơ̆ng vei kơjăp păng tưk tơiung dôm tơdrong pơgơ̆r pơma nuh ăn khul jang tih păng tơ̆ tơring; hơnơ̆ng jang kiơ̆ dôm trong jang hơdoi hlôi đei dang ei găh tơdrong jang tơbôl, khul linh vei sơđơ̆ng teh đak, lăp hăm tơdrong pơvei jang hơdoi gĭt kăl tôm tơdrong.

Ƀar ‘nu kơdră cghĕp kơ̆l oei drơ̆ng nơ̆r jang hơdoi mă kơjăp, hơnhăk tơdrong pơvei găh mŭk drăm roi tŏk ‘lơ̆ng, đei yoa, kiơ̆ đơ̆ng noh vang jang kĕh tơdrong hơgăt găh jên tĕch mơdro 2 pang iŏk đei truh 100 ti USD lơ̆m sơnăm 2025 păng năm truh 150 ti USD lơ̆m sơnăm 2030.