‘Năr 26/6, tơ̆ Hnam hôp tơm kơ Kon pơlei, anih tơm Bắc Kinh, Trung Quốc, lơ̆m ‘măng năm bơ̆ jang vang truh Hop akŏm rim sơnăm dôm teh đak năm hơdrol ‘măng mă 15 kơ Hop akŏm mŭk drăm apŭng plenh teh tơ̆ Đại Liên păng bơ̆ jang tơ̆ Trung Quốc, Thủ tướng Phạm Minh Chính pơma nuh hăm Tổng Bí thư Khul kơdră chĕp kơ̆l Trung ương Đảng Cộng sản Trung Quốc, Kơdră teh đak Cộng hòa nhân dân Trung Hoa Tập Cận Bình. 

Tơ̆ jơ pơma nuh, 2 ‘nu kơdră chĕp kơ̆l drơ̆ng nơ̆r hơnơ̆ng pơm hơdăh đon tơchĕng atŭm, mă loi jĭ tơdrong Tơchơ̆t Việt Nam - Trung Quốc găh hơnơ̆ng pơm pơ ‘lơ̆ng păng hơtŏk tơdrong pơvei jang hơdoi gĭt kăl tôm tơdrong, pơjing Tơpôl tơgŭm băl tơ̆ ning mônh kơnh kơ Việt Nam - Trung Quốc kiơ̆ trong “6 hlŏh”. Thủ tướng Phạm Minh Chính athei 2 păh jang hơdoi vang pơjing ming man dôm anih jang tih, ‘lơ̆ng rŏ păng đei yoa kơjăp đunh. 2 păh oei pơma nuh găh dôm tơdrong lơ̆m apŭng plenh teh, tơ̆ tơring đei tơrek truh, drơ̆ng nơ̆r vang vei lăng păng sek tơlang mă tơgăl dôm tơdrong ưh kơlăp băl, vei kơjăp tơdrong rơngei, hiôk sơđơ̆ng tơ̆ đak dơsĭ.