Ƀai pơma đơ̆ng Thủ tướng đei hơnăn: Hơtŏk tơdrong pơvei jang hơdoi gĭt kăl tôm tơdrong Việt Nam - Ấn Độ yoa tơdrong rơngei, jang hơdoi păng jang tŏk tơ̆ tơring Ấn Độ Dương - châu Á - Thái Bình Dương păng jơ̆p plei teh”. Thủ tướng klăih song pơm 3 tơdrong tơm ‘nŏh: Tơdrong lơ̆m apŭng plenh teh păng tơ̆ tơring; Trong jang, tơdrong tơgŭm, tơdrong jơnei păng tơlĕch trong vă jang tŏk đơ̆ng teh đak Việt Nam; Trong jang đunh đai găh tơdrong pơvei gĭt kăl, jang hơdoi tôm tơdrong Việt Nam - Ấn Độ tơ̆ hơnăp kơnh.

Kiơ̆ Thủ tướng đơ̆ng dôm tơdrong đei jơ̆p lơ̆m plei teh kơpal athei đei đon tơchĕng mă tôm, mă ‘lơ̆ng, athei đĭ đăng rim teh đak druh kiơ̆ trong pơma nuh, jang hơdoi kiơ̆ jơhngâm đon ‘mêm băl, drơ̆ng pôm nơ̆r. Lơ̆m noh, tơdrong pơvei mât 1 ƀơ̆r đon, jang hơdoi ‘lơ̆ng hơiă đơ̆ng Việt Nam - Ấn Độ kăl đei hơmet kơjăp păng tưk tơiung hlŏh dơ̆ng. Gơmăng ‘năr 1/8, gre păr chơ Thủ tướng Phạm Minh Chính lĕch đơ̆ng anih tơm New Delhi pơtôch ‘lơ̆ng hơiă ‘măng năm hơpong tơ̆ teh đak Ấn Độ.