Lơ̆m ‘măng bơ̆ jang au, rim tơdrong jang kơ Thủ tướng Teh đak Phạm Minh Chính hăm Khul hlôi iok đei jơnei hơ iă hăm 3 tơdrong jơnei gĭt kăl, tơgop atŏk kơtang lui yom dih băl chinh trĭ, hơmet pơ ‘lơ̆ng tơgoăt tơgoăl dih băl Việt Nam - Trung Quốc.

‘Măng pơma đam ƀar păh Thủ tướng Phạm Minh Chính hăm Thủ tướng Trung Quốc Lý Cường hơnơ̆ng pơtrŭt kơtang jang hơdoi ‘lơ̆ng hơ iă, mă kăl ‘nŏh găh mŭk drăm-mơdro sa ƀar păh Việt Nam păng Trung Quốc pơma atŭm păng ƀar păh rim tơring Việt Nam hăm Quảng Tây - Trung Quốc pơma hơdrô̆. Tơ̆ Jơnŭm kơchơ Trung Quốc – ASEAN ‘măng mă au, Việt Nam jei hơmŏ dôm tơdrong jang hơdoi lơ̆m trong bơ̆ jang CAEXPO gô jing mĭnh lơ̆m dôm jơhngơ̆m pran kăl vă atŏk kơtang hloh dơ̆ng atŏk tơ iung kơ pơđĭ lơ̆m khul ASEAN-Trung Quốc, hơnhăk tơgoăt tơgoăl jang hơdoi mŭk drăm, mơdro sa, tơmơ̆t jên jang păng tơmang pơhiơ̆ ƀar păh Trung Quốc hăm rim teh đak ASEAN, lơ̆m au đei Việt Nam atŏk kơtang hlŏh dơ̆ng.