Măt bơngai lôch păng rơka kơ yuơ teh tơdrŏ kơtang roi năr roi lơ. Atŭm hăm teh tơdrŏ kơtang 7,6 độ richter; 155 ‘măng tĕh tơdrŏ đơ̆ng rŏng ‘noh pơm pơrăm kơtang găh trong hnam păng pơm ăn lơ ‘măng ŭnh sa tơ̆ pơlei tơm Wajima, dêh char Ishikawa.

Iung pơma tơ̆ ‘măng hop akŏm hăt hot tơbăt ăn khul chih kơtơ̆ng ang pơgơ̆r lơ̆m năr, Thủ tướng Nhật Bản Fumio Kishida sơkơ̆t hơdăh, hiong răm đơ̆ng teh tơdrŏ pơm ăn ‘noh “tôch tih tên”, khul kơdră teh đak au tŏk bŏk hơdrin atŏk kơtang iung jang tơgum djru, tơgŭm dŏng tôm tong, ‘moi kiơ̆ chă hơvơn đĭ đăng khul, adoi ăn hloi kơdră chĕp pơgơ̆r rim hơnih bơ̆ jang tơm, hơnih jang ƀơm truh năm truh tơ̆ tơring răm vă tơgŭm djru chơ pơdŭ tơmam drăm păng rim tơdrong jang tơgŭm djru anai.