Thủ tướng lăng ‘lơ̆ng dôm jơnei jang hơdai đơ̆ng dêh char Aichi, Tochigi, Niigata, Kanagawa păng Yamanashi hăm dôm Anih tơm, anih jang, tơring jang hơdai đơ̆ng Việt Nam, kŭm nhen tơdrong ‘mêm, tơdrong bơngơ̆t truh păng tơgŭm đơ̆ng kơdră chĕp kơ̆l kŭm hăm kơ dră dôm dêh char lơ̆m tơdrong pơtrŭt tơdrong pơvei jang hơdai hăm Việt Nam lơ̆m khei ‘năr âu ki; athei kơdră chĕp kơ̆l dôm tơring kơ Nhật Bản pơtrŭt tơdrong pơvei jang hơdai hăm dôm tơring Thái Bình, Khánh Hoà, Hải Dương, Cần Thơ… vang jang lơ̆m khŭl bơ̆jang kơ Khŭl kơdră teh đak ‘măng âu.

Thủ tướng athei dôm Kơdră chĕp kơ̆l hơtŏk hloh dơ̆ng tơdrong pơvei hăm Việt Nam vă iŏk jang đei yua tơmam ‘lơ̆ng đei đơ̆ng hơdrol ‘moi kiơ̆ tŭn pran dôm tơdrong jang tơƀơ̆p, pơma dơnuh khŭl rim kơdră; pơtrŭt tơmơ̆t jên jang, pơtho pơhrăm bơngai jang, pơtho pơhrăm hăm dôm tơring kơ Việt Nam.