Thủ tướng Phạm Minh Chính sơng Ƀô̆ trương Anih tơm Khul linh Phalăng
Thứ ba, 15:10, 07/05/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Pơgê năr 6/5, tơ̆ Anih jang Jơnŭm pơgơ̆r teh đak, Thủ tướng teh đak bơ̆n Phạm Minh Chính sơng Ƀô̆ trương Anih tơm Khul linh teh đak Phalăng Sébastien Lecornu tŏk bŏk oei tơmang tơ̆ Việt Nam, vang năm akŏm tơbăt 70 sơnăm đei Jơnei Điện Biên Phủ.
Tơ̆ jơ sơng, ƀar ƀok Kơdră chơt hơ-iă ƀôh tơdrong tơbôl Việt Nam – Phalăng đơ̆ng rŏng 10 sơnăm iung jang tơbôl tôm tơdrong (2014-2024), roi năr roi hơtŏk ‘lơ̆ng kiơ̆ pơkăp “tơguăt” lơ̆m lơ tơdrong jang, đơ̆ng jơhnơr hơrih, joh ayŏ, pơm hnam, kon bơngai truh jang hadoi gah chĭnh trĭ, mŭk drăm, pơtho pơhrăm, vei sơđơ̆ng tơpôl teh đak, tang găn păng tơjră COVID-19.
Vă hơtŏk hloh dơ̆ng tơdrong jang tơbôl Việt Nam-Phalăng tŏk minh jăl ‘nao, kơjăp hloh păng jơnei hloh, Thủ tướng Phạm Minh Chính pơkăl 2 pah pơtoi akŏm pơma đam dôm khul kơdră kơpal, hơmet mă tơnăp ăn ‘măng năm tơmang Việt Nam truh âu kơnh đơ̆ng ƀok Kơdră teh đak Phalăng Macron; adoi nhen hơtŏk pran tơdrong jang hadoi kơ dôm anih jang, rim tơring.
Viết bình luận