Thủ tướng teh đak bơ̆n ăn tơbăt, Việt Nam hơnơ̆ng lăng tơgĭt tơbôl juăt jue hăm Romania; bơnê kơ teh đak Romania hlôi tơgŭm Việt Nam lơ̆m tơdrong iung tơjră pơjei iŏk rơngei hiôk hian kơ teh đak adrol ki adoi nhen tơ-iung pơjing păng hơtŏk teh đak hrei âu.

Thủ tướng Phạm Minh Chính păng Ƀô̆ trương Stefan-Radu Oprea chơt hơ-iă ƀôh tơdrong tơbôl 2 pah Việt Nam-Romania tŏk bŏk hơtŏk tơ-iung ‘lơ̆ng rŏ gah lơ tơdrong jang chĭnh trĭ, jang tơbôl, jang mŭk drăm, vei sơđơ̆ng tơpôl, joh ayŏ, pơtho pơhrăm. Khei năr truh, atŭm hăm hơtŏk asong khul kơpal păng dôm jăl jang, lơ̆m tôm tơdrong jang, Thủ tướng Phạm Minh Chính pơkăl 2 pah kăl sơkơ̆t jang hadoi mŭk drăm – tĕch pơdro jing dơnơm kăp gĭt lơ̆m jang tơbôl lơ̆m khei năr truh, tơgăl hăm jang tơbôl chĭnh trĭ, jang tơbôl tôm tơdrong. Ƀar pah kăl hơtŏk jang hadoi gah cho pơdŭ tơmam drăm, lơ̆m noh đei jang gah trong gre păr, iŏk jang tơnăp kiơ̆ Tơchơ̆t EVFTA.